Tangó á Kaffi Tár

Við hjónin ákváðum að láta loksins verða af því að prufa tangó. Fréttum að það væri kennsla fyrir byrjendur frá kl. 20,00 til 21,00 á Kaffi Tár á laugarveginum (móti Sólon) á miðvikudagskvöldum. Síðan er dansað frjálst frá 21 - 23.

 

Það var rosalega gaman að prufa þetta. Þetta er á við bestu hjónameðferð!  Mikil ögrun fyrir mig því karlmaðurinn á algjörlega að stjórna og konan þarf að einbeita sér og finna hreyfingar hans til að vita hvaða skref á að taka næst. Þetta er ekki eins og í þessum hefðbundu dönsum þar sem þú veist hvert næsta skref á að vera. Þetta er meira flæði og tilfinning. Alveg brilljant.

Ég átti erfitt með þetta fyrst en skildi þetta þegar konan átti að prufa að dansa með lokuð augu - þá kom tilfinningin!

 

Mæli hiklaust með þessu. Við ætlum allavega aftur næsta miðvikudagsköld.

Athugasemdir

[Steinunn Helga Sigurðardóttir, 30.9.2008 kl. 14:50]

frábært fyrir ykkur. ég hef heyrt um fleiri pör sem hafa gert þetta og fundist frábært.

það er mynd af lappa mínum á síðust færslu.

Kærleikur til þín og takk fyrir kveðjur

steina

[Sólveig Klara Káradóttir, 1.10.2008 kl. 17:37]

Kíki á myndina af Lappa.

Takk fyrir að svara fyrirspurninni.

Kær kveðja, Sólveig Klara

[Daníel Þórhallsson (IP-tala skráð) 1.10.2008 kl. 17:59]

kúl, ég mun kíkja í tangó bráðlega

[Sólveig Kristín Gunnarsdóttir, 1.10.2008 kl. 18:11]

vá hvad ég væri til í ad koma med. góda skemmtun. kær kvedja , Solla

[Sólveig Klara Káradóttir, 1.10.2008 kl. 23:12]

Þið ættuð bara að skella ykkur. Það er tekið mjög vel á móti nýliðum. Kostar bara 500 kr. fyrir manninn í kennslu í klst. Síðan er hægt að dansa eftir kennsluna og æfa sig. Þetta er virkilega gaman og mikil tilbreyting... allavega frá sjónvarpinu

Það eru heilmiklar upplýsingar á tango.is og síðan er hægt að googla milonga held ég en það er tango dansleikur sem hægt er að finna í hverri borg nánast.

Sjáumst í tango

[Daníel Þórhallsson (IP-tala skráð) 4.10.2008 kl. 19:35]

kúl